Bashkimi Evropian miratoi të mërkurën sanksione të reja kundër Rusisë që synojnë eksportet e arit dhe ngrijnë aktivet në bankën më të madhe të Moskës . "Qëllimi kryesor është përafrimi me partnerët e G-7, e përforcimi i zbatimit të sanskioneve " shkroi në Tëitter qeveria çeke, e cila mban presidencën e radhës të BE-së. BE-ja ka miratuar deri më tani gjashtë paketa sanksionesh ndaj Rusisë. I fundit i miratuar në qershor vendosi një ndalim për shumicën e importeve të naftës ruse. Ndërsa u propozoi masat vendeve anëtare javën e kaluar, presidentja e Komisionit evropian Ursula von der Leyen tha se ato do të ndihmonin në zbatimin më efektiv të sanksioneve të mëparshme dhe do t'i zgjasin ato deri në janar 2023. “Moska duhet të vazhdojë të paguajë një çmim të lartë për agresionin e saj”, shtoi ajo. Embargoja ndaj importeve të arit përmbush një vendim të rënë dakord nga vendet më të industrializuara të botës në një takim të G-7 në fund të qershorit, në të cilin morën pjesë anëtarët e BE-së, Gjermania, Franca dhe Italia. Pamjet: AFP