Jo vetëm shoferët që lëvizin me celularë në dorë dhe njerëzit me skuter pa helmeta: mes "viktimave" të hyrjes në fuqi të Kodit të ri të Autostradave është edhe Santa Claus, ose siç njihet ndryshe, Babagjyshi i vitit të ri. Teksa po pritej nga një grup fëmijësh që festonin, ai u ndalua nga karabinierët. Ngjarja e rrallë ka ndodhur në zonën e Padovës. Rregullat kufizuese që sapo kanë hyrë në fuqi në Itali nuk i kanë lënë shpëtim as idhullit të të vegjëlve dhe “slitës së tij të motorizuar”, e cila në fakt ishte një furgon i dekoruar tërësisht nga një grup prindërish të një çerdheje. “Slita” e improvizuar duhej të shoqëronte fëmijët në një "turne Krishtlindjesh" për të trokitur në dyert e shtëpive dhe për të sjellë urime Sipas autoriteteve rrugore janë konstatuar një sërë shkeljesh: që nga mungesa e targave e deri te dritat jo sipas standardit. Kështu që ata i dhanë Fund udhëtimit me "slitë" dhe babagjyshi nuk arriti në destinacionin e saj, duke zhgënjyer shumë fëmijët. Nga kontrollet rezultoi se mjeti kishte marrë autorizim nga policia lokale në marrëveshje me bashkinë për të qarkulluar në rrugë, por policia nuk ka dashur t’ia dijë dhe ka ndalua e mjetin për arsye sigurie.