Në imazhe shihen avionë të ministrisë ruse të mbrojtjes që luftojnë zjarret në pyjet e rajonit të Jakutisë, në verilindje të Siberisë. Avionet e transportit lëshuan më shumë se 80 ton ujë mbi zjarret e mëdha, teksa rajoni ka shpallur emergjencën e zjarreve prej muajit të shkuar. Zjarret kishin përfshirë më shumë 800,000 hektarë pyje ndërsa i nxehti dhe erërat e forta kanë komplikuar përpjekjet e më shumë se 2000 zjarrëfikësve që punojnë në terren. Një helikopter ushtarak kryente fluturimi mbikqyrjeje në zonat e prekura më rëndë, ku shiheshin shtëllunga të mëdha tymi që ngriheshin nga pyjet. "Zemra më dhemb për këto burime që digjen, dhe që nuk dihet se kur mund të rekuperohen”, tha gjatë fluturimit inxhinieri Mikail Bubnov. Zjarret përfshijnë çdo vit rajonet pyjore të Rusisë por ato janë intensifikuar me kalimin e sezoneve dhe me rritjen e temperaturave në tundrën siberiane.