Një 20 vjeçar në Manëz të durrësit e kishte shndërruar banesën e tij në depo armatimi në funksion të grupeve kriminale. Blutë e durrësit pas informacioneve të marra ndërhynë duke e arrestuar në flagrancë 20 vjeçarin Ergis Pepa dhe gjatë kontrollit në banesën e tij gjetën dhe sekuestruan 4 pistoleta, 1 kallashnikov, 1 armë gjahu (shotgun), 6 krehëra, qindra fishekë luftarakë, 1 targë automjeti italiane dhe 1 aparat celular. armët e zjarrit dhe municioni luftarak dyshohet se shërbenin për furnizimin e grupeve kriminale në zonë. Armët do t'i nënshtrohen ekspertimit në Institutin e Policisë Shkencore, për të verifikuar nëse janë përdorur në ngjarje kriminale të ndodhura më parë. Policia dyshon se 20 vjeçari ka pasur lidhje dhe me të tjerë prandaj vijon puna për identifikimin dhe nxjerrjen përpara përgjegjësisë ligjore të personave të tjerë të përfshirë në këtë veprimtari kriminale.