Në komisariatin numër të policisë në tiranë është shoqëruar një shtetas që dyshohet për përndjekjen e një vajze. Sipas reagimit të ministrit të brendshëm Taulant balla I shoqëruari dyshohet se ka ngacmuar, përndjekur dhe madje e ka ndaluar të shkojë në punë vajzën për disa muaj. Këto janë disa nga format e dhunës seksuale dhe me bazë gjinore sipas ministrit, ndërsa bën thirrje që viktimat e kësaj lloje dhune të mbrohen dhe të trajtohen me dinjitet e respekt. “Është detyra jonë, është detyra e Policisë së Shtetit të rrisim vigjilencën dhe ta adresojmë me vendosmëri dhunën në të gjitha format e saj dhe të marrim masat për të parandaluar dhunën ndaj vajzave, grave, për të mbrojtur viktimat dhe për t’i ndjekur penalisht autorët e krimit.” Duke përgëzuar Policinë për vënien e përndjekësit pas hekurave, ministri Balla bën apel ndaj shoqërisë për të mos stigmatizuar viktimat e dhunës me bazë gjinore, por të ofrojnë mbrojtje, mbështetje dhe ri-integrim të plotë në punë dhe shoqëri.