Aurel Mehja, Drejtori i Kabinetit në Këshillin e Qarkut Elbasan, është arrestuar nga policia me akuzën e “Kanosjes për shkak të detyrës”. Burime të jozyrtare nga autoritetet bëjnë të ditur se Mehja është ndaluar pas një incidenti të ndodhur në një nga lagjet e Elbasanit, ku dyshohet se ai ka kanosur një punonjës të policisë së këtij qyteti dhe e ka goditur atë me makinën e tij. Ngjarja ka ndodhur pasditen e së enjtes dhe autoritetet policore po kryejnë hetime për të sqaruar rrethanat. Sipas informacionit të dhënë nga burime pranë policisë, Mehja dyshohet se ka përdorur forcën ndaj punonjësit të policisë për shkak të detyrës që ai ushtronte. Aurel Mehja është një figurë e njohur në Elbasan, pasi është dhëndëri i ish-kryebashkiakut, Qazim Sejdini, i cili ka ndërruar jetë disa vite më parë.