Tetë persona janë vënë në pranga gjatë 24 orëve të fundit, ndërsa 52 të tjerë iu është pezulluar leja drejtimit për shkeljen e rregullave të qarkullimit rrugor. Nga të arrestuarit 5 prej tyre drejtonin mjetin në gjendje të dehur dhe 3 të tjerët nuk kishin leje drejtimi. Gjithsej janë pezulluar 52 leje drejtimi, nga të cilat: 10 për drejtim automjeti nën efektin e alkoolit dhe 42 për shpejtësi deri në 40 deri në 60 km/h mbi normën e lejuar. Policia i ka konstatuar shoferët në në akset rrugore Tiranë – Durrës – Fier – Vlorë, duke përdorur makinat inteligjente, radarët automatikë, dronët, kamera, aparate fotografike, alkooltestues, dhe mjete të pauniformuara, me qëllim parandalimin e aksidenteve rrugore. Gjithashtu në të gjithë vendin, gjatë kontrolleve janë ndëshkuar 1950 drejtues mjetesh, për shkelje të ndryshme.