Në fazën finale të procesit zgjedhor, Drejtori i Përgjithshëm i Policisë së Shtetit, ka dhënë një konferencë për mediat, ku ka përmbledhur evidentimet e krimeve zgjedhore dhe ka garantuar një proces të qetë votimi në zbatim të të gjitha detyrimeve ligjore. Rrumbullaku u shpreh se gjatë fushatës elektorale, janë shënuar në total 54 raste të veprave penale në fushën e krimeve zgjedhore, për të cilat janë proceduar penalisht gjithsej 88 shtetas. Ai tha se Policia e Shtetit është shumë e vendosur dhe e angazhuar për të siguruar deri në fund mbarëvajtjen e procesit zgjedhur, si dhe për mbajtjen në kontroll të plotë të të gjithë territorit të vendit, me qëllimin e vetëm, sundimin e ligjit. Në lidhje me arrestimin e kandidatit të “Bashkë Fitojmë” Fredi Belerit, ai tha se çdo procedurë është kryer në përputhje të plotë me ligjin dhe me autorizimin e prokurorit të çështjes.