Autoriteti i mediave audiovizive ka vendosur që t’i heqë autorizimin për transmetime platformës televizive TIBO e autorizuar për përsëritjen e shërbimit të programit audioviziv të të tretëve mbështetur në rrjetet IP OTT. Vendimi është marrë këtë të hënë nga shtatë anëtarët e bordit drejtues të AMA ndrësa disa ditë më parë ishte lënë në fuqi penalizimi me gjobë për shkak të shkeljeve të vazhdueshme të ligjit. Kundër platformës tibo kanë qenë 10 ankesa kryesisht për shkelje të te drejtave të transmetimit të eventeve sportive. Pas cdo ankese inspektorët e ama kanë bërë verifikime në terren dhe kanë vërtetuar se TIBO ka vjedhur programet ekskluzive. Për të gjitha rastet ndaj tibos janë vendosur gjoba të cilat kanë qëndruar në fuqi edhe pas ankimimeve. Sipas ligjit nëse një oeprator ka tre gjoba për të njëjtën shkelje atëherë ama i heq të drejtën e transmetimit. Ndaj tibo ka katër penalizime të njëjta që ka cuar sot në heqjen e licensës kësaj platforme e cila prej një kohe të gjatë ka vjedhur programet e prodhuara nga operatorët e tjerë televizive edhe ndaj top medias si dhe ka transmetuar pa asnjë të drejtë evente të ndryshme që ishin me të drejta ekskluzive nga operatorë të tjerë televizive