Është zbardhur dinamika e aksidentit tragjik ndodhur mbrëmjen e së mërkurës ku humbën jetën katër të rinj, teksa po udhëtonin nga Vora në drejtim të Fushë Krujës. Grupi hetimor ka këqyrur kamerat e sigurisë në vendin e ngjarjes, duket se automjeti ku ndodheshin të rinjtë ka parakaluar 2 kamionë dhe me pas kanë hyrë sërish në korsinë e tyrë dhe më pas janë përplasur me betonieren e ndaluar. Sipas dëshmisë së shoferit të arrestuar Aleksandër Krashi 24 vjeç, ai kishte ndaluar në vendin ku ndodhi aksidenti, pasi mjeti i kishte pësuar defekt. “Pa kaluar 30 metra nga kantieri mu bllokua mjeti në rrugë. Ngadalësova shpejtësinë. Nuk e kuotova nëse ishte defect apo kishte mbaruar nafta. Zbrita nga betonierja por harrova të ndezja bllokazhin. Pas 40 sekondash dëgjova shpërthimin”. Kështu e përshkruan 24 vjeçari momentin e tmerrit, ku mjeti tip ‘Benz’ që drejtohej nga Enejd Laçi e goditi nga pas dhe shpërtheu direkt në flakë duke rezultuar fatal për të, vëllanë e tij Erild Laçin dhe dy të afërmit e tyre Andi Laci dhe Enrikejt Kurti. Policia rrugore ka qenë në patrullim dhe ka parë flakët dhe fillimisht është bërë raportimi për zjarr të madh. Në vendin e ngjarjes mbërriti edhe zjarrfikësja, por nuk mundi dot t’I shpëtonte të rinjtë nga djegia. Pak orë pas aksidentit policia njoftoi se u arrestua drejtuesi I betonieres, së bashku me të afërmin që e ndihmoi të largohej nga vendi i ngjarjes, si dhe menaxherin e firmës ku punonte pasi i riu nuk kishte leje drejtimi për këtë katergori mjetesh. Grupi hetimor dyshon se përplasja ka qenë e fortë për shkak të mungesës së fushëpamjes dhe shpejtësisë së lartë rreth 140 km në orë që po lëviznin të rinjtë, , por do të jetë ekspertiza që do japë versionin e saktë.