Një aksident i rëndë ka ndodhur në aksin Milot-Morinë mbrëmjen e kësaj të mërkure. Një autobot është përplasur me dy makina pranë tunelit të Kalimashit dhe për pasojë kanë humbur jetën dy persona, një 58 vjeçar dhe një 45 vjeçar, të dy Kosova. Nga aksidenti i rëndë mbetën të plagosur edhe 3 persona të tjerë që po marrin mjekim në spital jashtë rrezikut për jetën. Sipas policisë në aksident u përfshinë një Benz me drejtues nga Tropoja, një “Ford” me drejtues nga Kosova dhe një autobot që drejtohej nga një tjetër shofer i Kosovës. Policia tha se viktimat ishin pasagjerë në mjetin tip Ford. Si pasojë e aksidentit të rëndë, qarkullimi i makinave u bllokua për më shumë se një orë në njërën korsi të Rrugës së Kombit. Një grup hetimor nën drejtimin e Prokurorisë po punon për përcaktimin e shkaqeve të aksidentit dhe dokumentin ligjor të kësaj ngjarjeje.