Një punëtor 31 vjecar në Catania u masakrua me grushta e shkelma nga një adoleshent dhe nëna e tij. Aq I dhunshëm ishte sulmi, sa mjekëve I është dashur t`I vendosin rreth 60 pllaka titani në fytyrë. Edhe pas operacionit tepër delikat maksilo-facial, I riu ende nuk e ka rikuperuar plotësisht shikimin. E gjithë kjo për shkak te nje gabimi: 17 vjecari që e sulmoi dhe nëna e tij 40 vjece e kishin ngatërruar me dikë tjetër. 31 vjecari kishte qenë në një bar në sheshin e Scordias e po pinte me disa miq, kur mbërritën dy agresorët që e sulmuan pa I dhënë asnjë mundësi mbrojtjeje. Hetimet e para treguan se pikërisht në atë vend, më herët kishte ndodhur një sherr I madh e mjaft I dhunshëm. Hakmarrja e 17 vjecarit dhe nënës së tij lidhej me atë episod. Fati I keq I të riut të rrahur prej tyre ishte se kishte një veshje shumë të ngjashme me atë që personit që nënë e bir po kërkonin. Të dy ata tashmë janë identifikuar e ndaluar nga forcat e rendit.