Kjo e sotmja u kthye në një të hënë të përgjakur në Ramot, koloni e vjetër e Jeruzalemit Lindor, ku dy persona hapën zjarr drejt një stacioni autobusi. 6 vetë mbetën të vrarë e shume të tjerë mbetën të plagosur, mes tyre edhe një grua shtatzënë. Policia izraelite tha se dy autorët e sulmit janë neutralizuar; raportet në mediat e huaja treguan se agresoret u vranë nga dy kalimtarë, njëri civil i armatosur dhe tjetri oficer sigurie. Tre prej viktimave jane burra tek të 30-tat, si dhe një grua 50 vjecare dhe një burrë po rreth 50 vjec. Përpara se të vizitonte personalisht vendin e ngjarjes, kryeministri Benjamin Netanyahu thirri me urgjencë kabinetin e sigurisë për të vendosur hapat qe do të ndërmerren në këtë situatë, e cila krijohet vetëm një ditë pasi të dielën në tryezën e tij kishte mbërritur propozimi më i fundit për paqen në Rripin e Gazës, i paraqitur nga administrate Trump. Me shumë gjasë, ngjarja e sotme do ta ngrijë edhe këtë përpjekje për qetësimin e gjendjes. Po kështu, ajo me siguri do të bllokojë edhe procesin e tij gjyqësor për korrupsion që duhet të riniste sot, thotë Corriere della Sera.