Top Channel/ 58 kg kanabis/ Në pranga babë e bir, administratori i Graçenit dhe kryeplaku i fshatit

Administratori i Njësisë Administrative Graçen, kryeplaku i fshatit dhe babë e bir kanë rënë në pranga në Elbasan, pasi u sekuestrua 58 kilogramë lëndë narkotike kanabis. “Finalizohet operacioni policor antikanabis i koduar “Bodin”, i zhvilluar me metoda hetimore proaktive. Kultivonin bimë narkotike në tokën e tyre, në fshatin Bobin, dhe më pas i përpunonin ato, arrestohen në flagrancë 2 shtetas (babë e bir). Në pranga gjithashtu, administratori i Njësisë Administrative Gracen, si dhe kryeplaku i fshatit Bodin, në Njësinë Administrative Gracen, Elbasan. Në kuadër të këtij operacioni, në hetim edhe 3 shtetas të tjerë, të dyshuar të implikuar në këtë veprimtari kriminale”, sipas policisë.