5 vite e gjashtë muaj burg dha Gjykata e Vatikanit për kardinalin Angelo Becciu. Ai u shpall fajtor për shpërdorim detyre, përvetësim të shmave monetare në kuadër të një hetimi që nisi për çështjen e ndërtesës luksoze Sloane Avenue në Londër. Kardanli 75 vjeçar, një ish-këshilltar i afërt i Papës, është zyrtari më i lartë i Kishës Katolike që paraqitet para Gjykatës Penale të Vatikanit dhe që dënohet për keqmenaxhimin e fondeve të sekretariatit të shtetit me qëllim përfitimin personal. Krahas burgut, ai është dënuar edhe me 8 mijë euro gjobë dhe i është ndaluar përherë që të ushtrojë funksione publike. Por nga ana tjetër avokatët mbrojtës të kardinalit Angelo Becciu nuk ranë dakord me qëndrimin e gjykatës. Ata thanë se vendimin do ta apelojnë se eshtë I pafajshëm dhe se nuk ka bërë asnjë shkelje. Sipas mediave italiane, Becciu u vendos në qendër të hetimit pas blerjes së pronës për një vlerë mbi 200 milionë euro e cila më pas u shit për një shumë më të vogël. Pamjet: AFP