700 nxënës të shkollës “Avni Rustemi” në kryeqytet e nisën vitin shkollor në një godinë të re dhe moderne. Kryebashkiaku Erion Veliaj teksa uroi fëmijët dhe mësuesit u ndal dhe tek rëndësia e investimit në shkolla dhe cerdhe pasi ndikon në cilësinë e mësimdhënies dhe në motivimin e nxënësve. “Edhe pse unë e besoj fort se mësuesit janë thelbi, kur vjen në një mjedis të mirë, të pastër, të ndriçuar, me kushte moderne, sigurisht që puna e mësuesit bëhet më e lehtë, por edhe nxënësit vijnë me më shumë kënaqësi në shkollë. Këtë javë do të hapim një seri shkollash të reja, si “Musine Kokalari”, e cila u ribë nga e para pas tërmetit, duke iu shtuar një buqete të madhe shkollash në Kombinat, bashkë me “Betim Muçon” dhe “Lasgush Poradecin”. Do të hapim edhe “Xhezmi Dellin” në zemër të Tiranës së vjetër. Ashtu si “Avni Rustemi”, edhe ajo shkollë ka dalë një bizhu”.