44 të vdekur e mbi 150 të plagosur, 20 nga të cilët në gjendje kritike për jetën: ky është bilanci I tragjedisë së ndodhur pak pas mesnate në Izrael, mes festimeve të një numri të madh hebrenj ultraortodoksë në malin Meron, në Galile. Mediat vendase janë përpjekur të sqarojnë dinamikën e ngjarjes së rëndë. Sipas tyre, disa persona kanë rrëshqitur nga shkallët e tribunave, duke marrë përpara njerëz të tjerë e duke mbjellë panik tek të tjerët. Njerëzit kanë nisur të vrapojnë e të shtyhen, dhe gjatë kaosit, dhjetëra vetë janë shkelur për vdekje nga turma. Ka qenë një natë shumë e vështirë, një natë tragjike. Policët bënë të pamundurën për të shpëtuar jetë njerëzish, madje duke rrezikuar edhe jetët e tyre. Ka pasur shumë viktima; fokusi ynë kryesor ishte të shpëtonin sa më shumë jetë që të mundeshim. Të plagosurit janë dërguar me urgjencë në spitale qoftë me automjete, qoftë me helikopter.