Mediat ruse shpërndanin sot pamje të pasojave të një sulmi të ushtrisë së Ukrainës mbi bastionin separatist Donetsk në lindje të Ukrianës. Ministria ruse e mbrojtjes tha se 23 njerëz kishin vdekur nga sulmi ukrainas me një raketë Tochka-U në një zonë rezidenciale, një nga më të rëndët prej nisjes së luftës. Qyteti kontrollohet nga separatistët pro-rusë që prej vitit 2014. Komisioni hetues i Rusisë tha se mes viktimave kishte fëmijë dhe se 18 të tjerë u plagosën. "Përdorimii armëve të tilla në një qytet ku nuk ka pozicione apo forca të armatosura, është krim lufte” tha zëdhëënsi i minsitrisë ruse të mbrojtjes Igor Konashenkov. Në rrjetet sociale separatiste publikoheshin foto e video të rënda të sulmit me makina të djegura, trupa të përhapur në rrugë dhe dëmtime në dyqane. Në një intervistë, kreu i republikës së vetëshpallur të Donetsk, Denis Pushilin, tha se një raketë e rrëzuar kishte shkaktuar dëme në zonat rezidenciale. "Njerëzit ishin në radhë para një automati, disa po qëndronin në stacionin e autobuzit kur u goditën”, tha ai në komentet televizive.