Top Channel ka arritur 2 milionë ndjekës në kanalin e Youtube. Këtë të hënë Top Channel shënoi rekord të abonentëve duke iu ofruar mundësinë për të ndjekur online video nga emisionet e preferuara por jo vetëm, edhe ngjarje të aktualitetit apo personazhe të jetës reale. Ndër vite videot më të klikuara kanë qenë nga gama e gjerë e emisioneve që Top Channel i ka ofruar publikut shqiptar, si, Portokalli, Shiko Kush Luan, Top show magazinë, Top Fest. Ndër më të ndjekurit e momentit është Big Brother Vip që ka mbajtur të gozhduar para ekranit 24 orë në 7 ditë të javës shqiptarët jo vetëm brenda vendit por edhe ata që jetojnë nëpër botë. Që prej nisjes se transmetimit më 5 tetor të 2021 e deri më tani numëron më shumë se 515 milion shikime.( 515,887,865 views). Përputhen është emisioni më i klikuar dhe shumë i komentuar që në puntatat e para, ku në 8 maj të 2021 arriti 500 milione shikime, nga fillimi i transmetimit. Në total kanali i Top Channel në Youtube ka arritur 4.7 miliard klikime. Shifrat në platformat online e vendosin Top Channel në krye krahasuar me kanalet e tjera televizive.