Top Channel/ “1800 shqiptarë të dëbuar”, Sunak: Plani për emigracionin e paligjshëm po jep rezultate

Kryeministri i Mbretërisë së Bashkuar Rishi Sunak tregoi sërish vendosshmëri për të vijuar me planin për ndalimin e emigrantëve që kërkojnë të hyjnë në mënyrë ilegale në territoret e tyre, teksa përmendi edhe dëbimin e 1800 emigrantëve shqiptarë. Në deklaratën e dhënë ai u shpreh se pas marrëveshjes me qeverinë shqiptare për të ndaluar emigracionin e paligjshëm, në gjashtë muajt e fundit, është bërë i mundur kthimi i shqiptarëve, ndërsa numri i atyre që përpiqen të hyjnë me anije në Britani ka rënë në mënyrë drastike.