Një këmbësor humbi jetën në një aksident rrugor mbrëmjen e të hënës në Lushnjë. Viktima ishte duke kaluar rrugën në fshatin Golem kur u përplas pranë trafikndarëses nga një makinë që drejtohej nga një 64-vjeçar. Si pasojë e goditjes së fortë, ai ndërroi jetë në vend. Shkak për aksidentin dyshohet se u bë kalimi I rrugës në mënyrë të gabuar nga ana e këmbësorit por dhe shpejtësia e lartë si dhe e mungesa e ndriçimit. Vetëm gjatë muajit tetor në këtë aks humbën jetën dy këmbësorë. më herët gjatë ditës gjashtë persona u plagosën dhe në aksin Librazhd-Prrenjas, ku dy makina u përplasën kokë më kokë në vendin e quajtur Ura e Mërkurit. Shkak në këtë rast dyshohet se u bë një parakalim I gabuar I njërit prej mjeteve. Ndërkohë në rrugën e Kombit, gjatë orëve të para të mëngjesit për shkak të mjegullës u përplasën 13 automjete në afërsi te fshatit Blinisht te Mirditës. Fatmirësisht nga aksidenti nuk pati persona të lënduar por vetmë dëme materiale.