Vetëm në katër muajt e parë të zbatimit të skemës së rivlerësimit të pasurive të paluajtshme, administrata tatimore raporton se qytetarët kanë kursyer rreth 104.3 milionë euro. Kjo falë aplikimit të normës së reduktuar prej 5% të tatimit, në vend të 15% që aplikohet zakonisht. Interesi për rivlerësimin mbetet i lartë, veçanërisht nga pronarët që planifikojnë shitjen ose transferimin e pronave të tyre në të ardhmen. Paralelisht me procesin e rivlerësimit të pasurive, Ministria e Financave ka propozuar një formulë të re për taksimin e ndërtesave të banimit, e cila sjell ndryshime të rëndësishme për pronarët. Drafti parashikon lehtësi fiskale vetëm për banesën e parë, ndërsa për banesat e dyta dhe të treta taksa do të llogaritet mbi vlerën e plotë të pronës. Në të njëjtën kohë propozohet edhe dyfishimi ose trefishimi i shkallës së taksimit, ndërsa rritja e vazhdueshme e çmimeve të banesave dhe e qirave pritet të ndikojë drejtpërdrejt në barrën financiare të familjeve. Programi "Top Talk" është emision i përditshëm që trajton tema aktuale në fushën e ekonomisë dhe biznesit. Me të ftuar të specializuar, analiza të thelluara dhe debate dinamike, programi sjell informacione të rëndësishme dhe opinione mbi zhvillimet më të fundit që ndikojnë në xhepat tanë, tregje dhe ekonomi. Nga e hëna në të premte, ora 15:45 Autor/Moderator: Jetona Kocibelli