Emocione, lot, gëzim, dashuri, falje, distancë, marrdhënie e gjithçka tjetër të përmbledhura për një mision të vetëm te “Dua të të bëj të lumtur”. Moderatorja Arbana Osmani dhe stafi i saj janë gati të nisin këtë të shtunë një sezon tjetër të emisionit që bëri bashkë të gjithë shqiptarët për të kërkuar falje ndaj dikujt apo thjesht për të thënë vetëm faleminderit. Histori të ndryshme që trajtohen me kujdes për t’i përcjellë në mënyrën më origjinale dhe të vërtetë të mundshme. Vetë moderatorja dhe stafi i saj zbulojnë disa detaje rreth sezonit të ri, ku ndër të tjera ndajnë dhe emocionet e tyre personale.