Rrënjët nuk harrohen kurrë dhe diçka e tillë mund të thuhet dhe për nipat e aktorit të madh shqiptar, Aleksandër Moisiu. Nicolas Berggruen dhe Olivier Berggruen që janë dhe pasardhësit e shqiptar të madh janë nderuar me titullin akademik “Doctor Honoris Causa” nga Universiteti “Aleksandër Moisiu” i Durrësit. Nicolas Berggruen është një filantropi dhe mendimtar i njohur amerikan me rrënjë shqiptare, ndërsa Olivier Berggruen është historian arti. Të dy janë figura mjaft interesante dhe shumë karizmatike. Në ceremoninë e nderimit mori pjesë dhe kryeministrit Edi Rama. Titulli iu dorëzua vëllezërve nga rektori i universitetit Prof. DR. Shkëlqim Fortuzi dhe kreu i qeverisë. Kryeministri Edi Rama në fjalën e mbajtur vlerësoi figurën e vëllezërve Berggruen si personalitete që përmes filantropisë dhe mendimit të tyre kontribuojnë në debatet globale për të ardhmen e shoqërisë dhe demokracisë. Ceremonia ishte një moment mjaft emocionues, pasi riktheu në vëmendje lidhjen e familjes Berggruen me figurën e Aleksandër Moisiut dhe trashëgiminë kulturore shqiptare.