Pas 29 vitesh si anëtare paraditen e kësaj të enjteje Shqipëri mori misionin sfidues për të drejtuar OSBE-në një organizatë me 57 vende anëtarë. Përpara këshillit të përhershëm kryeministri Edi Rama shpalosi vizionin dhe prioritetet që Shqipëria ka në drejtimin e kësaj organizate me një histori 45 vjeçare. Në konferencën e përbashkët për mediat me Thomas Greminger sekretar i përgjithshëm i OSBE kryeministri Rama shpjegoi përse Shqipëria s’duhet të ketë frikë nga kërcënimet e Iranit. Në një prononcim ekskluzivisht për Top Channel, James Gilmore ambasador i SHBA në OSBE vlerëson maksimalisht marrjen e drejtimit të kësaj organizate nga Shqipëria. Marrja e drejtimit të OSBE nga Shqipëria është një sfidë e shumëdimensionale përballë një sigurie të brishtë në Europë pas konfliktit mes Rusisë dhe Ukrainës. Dhe jo me kot vizita e parë e kryeministrit Rama si kryesues i OSBE do të jetë në Kiev.