Kryeministri Edi Rama çoi në Uashington kauzën e UCK-së. Në fjalimin e tij në takimin inaugurues të Bordit të Paqes gjysmën e kohës e shfrytëzoi për çështjen në Hagë, duke vënë në dijeni dhe vetë presidentin amerikan Donald Trump. Rama kritikoi drejtësinë europiane, që sipas tij është sponsorizuar nga disa vende prezente në Bordin e Paqes dhe që duhet t’i vijë turp. Shqipëria dhe Kosova patën momentin e tyre në këtë takim inaugures të Bordit të Paqes. Teksa DOnald Trump falenderoi Edi Ramën për praniën e tij në këtë Bord, mbështetjen e pakushtëzuar të SHBA për Kosovën e bëri ndaj presidentes dhe të vetmes grua në këtë forum, Vjosa Osmani Dy shtetet e Ballkanit do të kontribuojnë me personel për ruajtjen e paqes në Gaza. Çfarë do të thotë për Shqipërinë dhe Kosovën pjesëmarrja në Bordin e Paqes? A ishte një strategji çuarja e kauzës së UçK-së në takimin inaugures apo një thirrje e Ramës për vëmendje ndaj gjykatës së Hagës.