Gjyqi në Hagë ndaj ish krerëve të UÇK-së është drejt fundit, teksa këtë të hënë prokurorët specialë kërkuan 180 vjet burg për ta, nga 45 për secilin prej tyre. Ish-presidenti i Kosovës, Hashim Thaçi, ish-kryeparlamentarët Kadri Veseli dhe Jakup Krasniqi, dhe ish-deputeti Rexhep Selimi akuzohen për veprat penale që përbëjnë krime lufte: ndalim të paligjshëm ose arbitrar, trajtim mizor, torturë dhe vrasje të paligjshme dhe krime kundër njerëzimit: burgosje, akte të tjera çnjerëzore, zhdukje me forcë të personave dhe përndjekje. Ata janë deklaruar të pafajshëm për akuzat. Krimet pretendohet se janë kryer midis muajit mars të vitit 1998 dhe shtatorit të 1999 në disa vende në Kosovë dhe në veri të Shqipërisë. Të mërkurën pritet përgatitja e mbrojtjes së liderëve të UÇK-së për tu dhënë më pas dhe vendimi i Gjykatës në Hagë.