Në datën 1 prill 2024, Fiks Fare denoncoi gjendjen e rrugës nga zona turistike Gjiri i Lalzit në drejtim të Kepit të Rodonit. I gjithë segmenti ka një gjatësi prej 12 kilometrash, ndërsa ishte investuar në dy kohë të ndryshme; 2013 dhe 2018. Vlera totale e punimeve ishte rreth 5 milionë euro. Kamera e Fiksit filmoi gropa, shembje apo edhe pjesë të rrugës pa asfalt. Në atë kohë, drejtori i Rruga Ura në Bashkinë e Durrësit premtoi se do të ndërhynin. Një muaj pas transmetimit të kësaj problematike, mjetet e Bashkisë së Durrësit shkuan në atë segment dhe filluan të bënin riparime në pjesët e dëmtuara.