Që nga gondolat fluturuese e deri tek robotët e dashurisë… këto dhe shumë risi të tjera mund të gjenden në panairin e madh teknologjik CES, në Las Vegas. Shou ofron një shans për të ekspozuar shpikjet më të fundit dhe më të mahnitshme. Ai u hap të martën në las vegas pavarësisht një morie shqetësimesh dhe debatesh në lidhje me mënyrën se si të dhënat e mbledhura nga aparaturat mund të shfrytëzohen nga prodhuesit, qeveritë dhe hakerat. Bosch ndërkohë ka prezantuar në panair një palë syze virtuale, të frymëzuara nga televizorët LCD, që përdorin inteligjencën artificiale për të bllokuar rrezet e diellit mbi sytë e një shoferi, cka përbën një nga shkaqet kryesore të aksidenteve nëpër rrugë. Këto syze, përdorin algoritmat dhe një kamera për të analizuar atë që shoferi sheh dhe për të errësuar seksionin përmes të cilit rrezet e diellit prekin syrin. Sipas gjigantit gjerman të inxhinierisë, pjesa tjetër e pamjes mbetet transparente pasi dielli bllokohet pa errësuar pjesën tjetër të fushës së shikimit të shoferit. Sipas administratës amerikane për sigurinë në trafik, rrezet e diellit në sy janë përgjegjëse për mijëra aksidente çdo vit. Një tjetër studim tregon se rreziku i një aksidenti me makinë është 16 për qind më i lartë kur dielli shkëlqen shumë. Bosch tani është në diskutim e sipër të komercializimit të këtyre syzeve por nuk ka dhënë më shumë detaje.