Si sot një vit më parë, në tryezën e kryeministrit Edi Rama u vendos kërkesa e Lefter Kokës, për lënie mandati dhe largim nga politika. Pas Najada Comos, kjo ishte dorëheqja e dytë e një deputeti socialist të zgjedhur më 25 Prill. Lefter Koka konsiderohej si një prej njerëzve më të afërt të Ilir Metës, që kur themeloi Lëvizjen Socialsite për Integrim dhe që më pas u kthye në të preferuarin special të Edi Ramës. Lefter Koka këtë vendim e ndau me votuesit e tij durrsakë përmes një mesazhi në Facebook nga ku nuk përcolli asnjë detaj për motivet e dorëheqjes. Ikja e Lefter Kokës nga parlamenti pak para thirrjes së tij ndodhi menjëherë pas Najada Çomos, por nuk kishte aspak ngjashmëri me të. Largimi i Kokës i ngjante më shumë largimit të Tom Doshit. Të dy këta politikanë ishin vazhdimisht në qendër të akuzave të opozitës. Vetëm pak muaj pas dorëheqjen së ish minsitrit të mjedisit, Lefter Koka, ai u arrestua me urdhër të SPAK për shpërdorim detyre, korrupsion dhe pastrim parash, me vendim të gjyqtarit Erjon Bani. Në njoftimin për mediat, SPAK deklaronte se prokuroria nisi hetimet mbi bazën e kallzimit penal të kryer nga Partia Demokratike dhe Lëvizja Socialiste për Integrim, ku u denoncua procedura e ndjekur per lidhjen e kontratës së koncensioni me objekt “Ndërtimin dhe administrimin e impiantit të trajtimit të mbetjeve urbane të Qarkut Elbasan, për prodhimin e energjisë”, si dhe veprimet e kryera në fazën e zbatimit të kësaj kontrate konçensioni, kontratë e cila u lidh midis Ministrisë së Mjedisit dhe shoqëritë tregtare “Albtek Energy” sh.p.k.