Ilir Meta ngjiti mëngjesin e të mërkurës shkallët e Prokurorisë së Posaçme me bindjen se drejtësia e re do të kishte hapur paditë e depozituara prej tij ndaj institucioneve publike dhe zyrtarëve të qeverisë gjatë kohës që mbante detyrën e Presidentit të Republikës. Por brenda Prokurorisë së Posaçme, prokurorët e morën në pyetje për 3 orë me rradhë për çështjen CEZ-DIA. Çështja që i ka prodhuar një kosto prej 5 milion eurosh shtetit shqiptar, sot ka prodhuar vetëm një të dënuar Kastriot Ismailin. Në rangun e politikanëve të lartë të përfshirë në këtë çështje, Ilir Meta është i pari që thirret të dëshmojë për pozitat dhe veprimet e tij në kohën kur mbante detyrën e Ministrit të Ekonomisë. Vetë Meta mohoi të ketë lidhje me këtë ngarje një kosto të lartë financiare shtetit shqiptar.