Numri i viktimave nga koronavirusi i ri ka shkuar tani në 106, me numrin e të infektuarve që thuajse dyfishohet çdo ditë. Numri total i rasteve të konfirmuara nga kina shkoi në 4515 të hënën, me 2835 më shumë krahasuar me një ditë më parë. Japonia ndërkohë ka nisur një avion drejt Vuhanit për të evakuuar qytetarët e saj ndërsa përpjekjet për të tërhequr shtetasit e huaj nga qyteti në epiqendër të epidemisë po intensifikohen. Virusi është përhapur tashmë në të gjithë kinën dhe në të paktën 16 vende të tjera të globit.