Ajo çka po ndodh në Liqenin e Bufit, pjesë e rëndësishme e Parkut Kombëtar të Butrintit, pa frikë mund të quhet një masakër mjedisore. Sipërfaqa e liqenit është mbushur me mbetje plastike, kryesisht bidona që kanë mbajtur pesticide të mandarinave. Por ajo që tregoi kamera e Fiksit ishte ngordhja e gjallesave në këtë liqen , si rrjedhojë e ndotjes së madhe. Tri ditë pas ndërhyrjes së Fiksit, punonjësit e Agjencisë së Zonave të Mbrojtura të Sarandës nisën aksionin për pastrimin e Liqenit të Bufit, duke ndërhyrë për të larguar mbetjet plastike dhe ndotjet e tjera.