Një nënë kërkon drejtësi pasi humbi djalin e saj të vetëm, Gëzim Muçajn, në aksidentin tragjik të 17 shkurtit 2025 në autostradën Tiranë–Durrës. Nga përplasja humbën jetën dy persona dhe dy të tjerë mbetën të plagosur rëndë. Familjarët denoncojnë se autori i aksidentit, Ismail Laçe, i cili sipas dosjes rezultoi nën ndikimin e alkoolit dhe po lëvizte mbi shpejtësinë e lejuar, u lirua vetëm 72 orë pas arrestimit dhe aktualisht gjykohet në arrest shtëpie. Nëna dhe motrat e viktimës rrëfejnë dhimbjen e tyre dhe kërkojnë që drejtësia të veprojë për humbjen e rëndë që ka tronditur familjen.