E hëna nisi me breshëri kallashnikovi në godinën e Top Channel, që i morën jetën punonjësit të sigurisë së televizionit Pal Kola, duke u konsideruar si një sulm terrorist ndaj fjalës së lirë. Tre kriminelë që pasi kryen sulmin terrorist ndaj Top Channel edhe katër ditë pas ngjarjes, janë të lirë, pavarësisht faktit se me aktin që kryen vërtetuan se nuk e kanë problem të përdorin kallashnikovët për ngjarje të tjera kriminale. As vendosja në dispozicion të informatorëve e shumës prej 100 mijë eurosh deri më tani nuk ka sjellë ndonjë rezultat konkret në identifikimin, për të mos folur për kapjen e autorëve. Makina e autorëve u gjet e djegur me kallashnikovët Brenda. Hetimet vijojnë, por ditët ikin.