18-vjetori i pavarësisë së Kosovës kishte si lajmotiv thirrjen për liri për ish liderët e UÇK-së, seanca përmbyllëse e të cilës u mbajt këtë të mërkurë në Hagë. Me flamujt të UCK, Kosovës dhe Shqipëria pjesëmarrësit kërkuan drejtësi dhe jo politikë për procesin në gjykatën Speciale Ish liderët e UÇK ndodhen në Hagë prej pesë vitesh në paraburgim, teksa u përmbyll dhe seanca gjyqësore, dhe tashmë brenda tre muajve Gjykata duhet të japë vendimin. Protesta në ditën e lirisë dhe Pavarësisë së Kosovës çon mesazhin në Hagë për drejtësi. Lufta çlirimtare e Kosovës është dërguar në Hagë që në vitet e para të lirisë, me tribunalin për krimet në Ish Jugosllavi. Fatmir Limaj dhe Ramush Haradinaj janë ndër emrat që u përballën në atë gjykatë dhe që fituan pafajësinë, ashtu si dhe vetë lufta e UCK. Krijimi i Gjykatës Speciale çoi para akuzës të tjerë liderë të Ushtrisë Çlirimtare të Kosovës, ku të fundit janë Hashim Thaci, Kadri Veseli, Jakup Krasniqi dhe Rexhep Selimi. A do të fitojë drejtësia e një populli për liri mbi politikën?