Në 21 vitet e punës së tij Klement Zgurit i është dashur ta përshkojë shumë herë këtë koridor, por kjo ishte hera e fundit për te pasi i pasoi detyrën Ilirjan Celibashit, i cili rikthehet pas 15 vitesh ne krye te instituconit kryesor te administrimit te zgjedhjeve. Sfida kryesore për të është një proces i gjithë pranuar. Sfida e dytë është implementimi i teknologjsë në zgjedhje, ku peshën kryesore do e ketë nënkomisonerja Lealba Pelinku, e përzgjedhura e PD për realizimin e këtij procesi. Sot nisi puna zyrtarisht për përgatitjen e garës elektorale të 25 prilllit. Ilirjan Celibashit, së bashku me 11 anëtarë të tjerë do të miratojnë dhe zbatojnë rregullat e reja për zgjedhjet. Por kush do e administrojë këtë votë? 12 anëtarët e rinj në të tri hallkat e Komisionit Shtetëror të Zgjedhjeve janë përzgjedhje e politikes në kuadër të marrëveshjes politike të 5 qershorit? Ilrjan Celibashi zgjedhje e Partisë Socialiste krahas eksperiencës së mëparshme si drejtues i këtij institucioni ka qenë edhe pjesë e kabinetit Rama 1. E njëjta situata paraqitet edhe në hallkat e tjera ku në pozicionin e nënkomisionerit ka marrë detyrën Lealba Pelingu ish drejtuese e departamentit antikorrupsion ne Partinë Demokratike.