Fatjon Murati u arrestua në tetor të vitit të kaluar dhe pas kësaj pasuritë e tij u sekuestruan, përfshirë edhe lokalin ku të dielën ndodhi atentati i “Don Boskos”, me një të vdekur dhe pesë të plagosur si dhe një të mitur të lënduar. Lokali i Fatjon Muratit ruhej me kamera sigurie, deri para pak kohësh kur policia nisi aksionin e saj “Fijet”. Më herët e gjithë zona ku ndodhej lokali i Fatjon Muratajt ka qenë nën vëzhgimin e kamerave të sigurisë, të cilat janë hequr nga policia në kuadër të operacionit “Fijet e krimit”, kundër kamerave të sigurisë të vendosura në mënyrë të paligjshme. Pavarësisht, mësohet se brenda në lokal se ka pasur kamera sigurie. Ndërkohë që janë sekuestruar kamerat në rrugicat kryesore që të çojnë drejt lokalit të Fatjon Muratit për të zbuluar lëvizjet e autorëve të atentatit të së dielës.