Mustafa Martinaj, babai i Ervis Martinajt ka dëshmuar sot në Gjykatën e Posaçme pë seancën për pasuritë e sekuestruara të djalit të tij. Për babain e tij, Ervis Martinajt merrej me pika llotosh me licencë dhe se kishte të shlyer çdo detyrim të bizneseve të tij. Për banesën të cilën Ervisi i kishte falur Elio Hatos, babai i tij thotë se i biri e bëri në shenjë respekti sepse ky i fundit i kishte shpëtuar jetën. Një pasuri që sot është e sekuestruar në emër të Bisere Hatos ja ka fal im bir, Eljo Hatos me pëlqimin tim. Falja e banesës është bërë vetëm se Eljo Hato, djali i Biseres i ka shpëtuar jetën Visit. Më tej ai shpjegoi se Ervisi në vitin 2018 iku nga Tirana dhe shkoi të jetonte me të në Laç, ku sipas tij qëndroi deri ditën kur u zhduk, më datën 9 gusht 2022. Mustafa Martinaj tha gjithashtu se pas zhdukjes së të birit policia i ka shkuar 23 herë në shtëpi. Kjo ishte hera e tretë që babai i Ervis Martinajt është paraqitur në GJKKO. Vetëm një javë më parë ai deklaroi se nuk duan ta zbardhin ngjarjen.