Fiks Fare denoncoi mbrëmjen e së martës mënyrën si abuzohet me paratë e rindërtimit. Fondi Shqiptar i Zhvillimit hapi një tender 20 milionë euro në vitin 2020, ku u shpallën fitues një bashkim operatorësh. Në dokumentet e tenderit ishin edhe të gjitha vlerat e rindërtimit të banesave 1+1, 2+1 dhe 3+1, ku e para kushtonte 20 mijë euro, e dyta 25 dhe e treta rreth 30 mijë euro. Ndërkohë, firmat që fituan tenderin e madh e “shitën” këtë procedurë te nënkontraktorët, madje nuk njoftuan as autoritetin kontraktues, që ishte në këtë rast FSHZH-ja. Kushti ishte që çdo nën kontratë të merrte miratimin më parë te ky autoritet. Këto firma jo vetëm që s’e bënë, por as nuk i japin paratë këtyre nënkontraktorëve, megjithëse janë likuiduar 100 % nga Fondi.