Një automjet tip BMW është djegur gjatë orëve të parë të ditës së sotme në Durrës. Dy persona i kanë vënë zjarrin me lëndë djegëse njërit prej tre automjeteve që ndodheshin të parkuar në oborrin e njështëpie dhe më pas janë larguar nga vendngjarja. Të alarmuar familjarët kanë dalë nga banesa nëpër errësirë dhe kanë njoftuar shërbimin zjarrfikës. Ngjarja ndodhi rreth orës 03.30 në lagjen 15 në periferi të qytetit. Ndërhyrja e shpejtë e zjarrfikëseve ka shmagur përhapjen e zjarrit në dy automjete të tjera të parkuara në oborr dhe objektin e banimit. Kamerat e sigurisë kanë fiksuar autorët e dyshuar të ngjarjes, dy të rinj të cilët kanë ndaluar mjetin e tyre pranë një fast-foodi buzë rrugës dhe më pas i janë drejtuar shtëpisë për të djegur automjetin tip BMW. Në polici janë shoqëruar disa persona, ndërkohë po hetohet për zbardhjen e plotë të saj. Pronarit të automjetit të djegur i është dëmtuar me zjarr disa kohë më parë dhe një autobuz me të cilin ofronte shërbim në një linjë ndërqytetase.