Mjaftoi një ngacmim nga autoritetet austriake që drejtoria e krimit kibernetik në policinë e shtetit të niste një prej aksioneve më të mëdha për call centerat në vitet e fundit. Top Story mëson se efektivët e krimit kibernetik kanë hetuar në mënyrë proaktive në terren. Ka qenë policia shqiptare që ka kërkuar ndihmë nga autoritetet e huaja, për shkak të mungesës së stafit. I njëjti burim bën me dije se ka pasur hetim të shtrirë dhe në Kosovë, por nuk është finalizuar. Gjatë ndërhyrjes në ambientet e këtyre subjekteve, u konstatuan operatorë të ndryshëm duke ushtruar aktivitetin e paligjshëm, çka mundësoi dokumentimin e menjëhershëm të veprimtarisë kriminale. Policia sekuestroi kompjutera, telefona dhe lap topë si dhe 891,735 euro të dyshuara si të përfituara nga kjo skemë mashtrimi. Tashmë të identifikuara si grupe të strukturuara kriminale këto lloj kompanish po hetohen nga SPAK, ashtu si dhe ajo e janarit të këtij viti, po në qendër të Tiranës. Hetimet vazhdojnë sërish...