Greqia kërkon zyrtarisht 65 mijë punëtorë sezonale kryesisht për punët në bujqësi por jo vetëm. Të parët që preferohen janë shtetasit nga Shqipëria të cilët janë edhe grupi më i madh i emigrantëve në vendin fqinj. Është publikuar në fletoren zyrtare vendimi për lejet e qendrimit që do t'u jepen punëtorëve të sektorit të bujqesisë dhe blegtorisë në Greqi. Për herë të parë qeveria Greke ka vendosur që përveç punëtorëve qe marrin leje qendrimi cdo vit në Greqi ne bazë të ligjeve në fuqi,të vendosë edhe kuotat e punonjësve sezonalë që do të kenë të drejtë të punësohen në çdo prefekturë me konkretisht 65.000 ne bujqesi dhe rreth 10.000 ne blegtori me leje te perkohshme qendrimi sezonale si dhe 18.000 vende të reja ne bujqesi dhe 10000 të tjera në blegtori me leje qendrimi te perhershme. Tashmë lejet zyrtare te qendrimit qe parashikohen edhe per punëtorët sezonale japin mundësine për qëndrim te ligjshem te perkohshem ne Greqi, çka më parë ka qënë e pa mundur. Vendimi i ri i qeverisë greke,shënon një etapë tjetër në këtë proçes,duke zyrtarizuar tashme statusin e tyre dhe duke krijuar vende konkrete pune. Vendin e parë për krahë pune mban prefektura e Imathisë me 12.000 leje pune, e ndjekur nga Halkidhikia me 10.000 dhe Pela me rreth 7000 leje. I rëndësishëm është fakti qe pala greke dëshiron ta zyrtarizoje këtë bashkepunim kryesisht me shqipërinë prej ngaku është fluksi më i madh i kërkesave,kjo jo vetëm prej afërsisë mes dy vendeve,por edhe për faktin se shqiptarët konsiderohen si punonjës të specializuar në sektorin e bujqësisë.