Ambasadori i ri amerikan Eric Wendt, pas takimeve të kortezisë me politikën ka nisur zyrtarisht punën me një takim në zyrat e SPAK. Për të treguar se drejtësia dhe institucionet e pavarura janë në focus të amerikanëve, diplomati amerikan dha garanci për mbështetje nga SHBA. Lëvizja e gjeneralit amerikan Wendt vjen 48 orë pasi kryeprokurori i SPAK, Klodian Braho, ka nisur hetimin e një prej çështjeve për atë që cilësohet si një tjetër aferë e qeverisë që lidhet me çështjen e armatimit. Ishte ish-zëvendëskryeministri, Arben Ahmetaj nga arratia ai që publikuar një material në të cilin pretendonte se në Shqipëri kishte një skemë për trafikimin e armëve nëpërmjet kompanisë publike KAYO-s. SPAK ka bërë kontrolle në banesën e biznesmenit izraelit, Ron Yeffet. Nuk ka qenë kjo e vetmja masë që është kryer nga drejtuesit e SPAK, pasi ata kanë sekuestruar dhe telefonin e izraelitit Yeffet, duke shpresuar se do të gjenin prova të tera. Ardi Veliu, kreu i Kayo-s dhe ish-drejtuesi i policisë, po ashtu ka pasur të njëjtin fat, ndërkohë që dhe biznesmenja Arjeta Puca. Kjo e fundit dyshohet se ka bashkëpunuar me izraelitin Yeffet dhe kanë investuar së bashku në një biznes privat. Ditët në vijim, pritet që të dy personat të merren në pyetje. Pjesë e skandalit të mundshëm është dhe ministria e mbrojtjes, pasi Aleks Markut, sekretarit të përgjithshëm i është sekuestruar telefoni. Çfarë po ndodh me hetimet e SPAK? Kush po goditet dhe çfarë pritet të dalë nga hetimet?