Denoncimi: Fëmija lindi në çadër/ Eduart Hysa nga Shpërdheti i Kurbinit: Jetoj në shtëpinë e rrënuar

Partia Demokratike i vijojë denoncimet e problemeve të të prekurve nga tërmeti në Kurbin edhe këtë të diel duke e ilustruar me historinë e Eduart Hysës nga Shpërdheti i Kurbinit. Qytetari: Unë jam Eduart Hysa, banor i Shpërdhetit. Deri para një jave kam ndenjur në çadër dhe tani po jetoj në shtëpi të shembur, siç po e shihni edhe ju. Këlliçi: Eduart, sa veta jeni? Qytetari: Jam vetë i gjashti, nëntë muaj në çadër. Këlliçi: Po pse vendose të futesh këtu? Qytetari: Nuk kam rrugë tjetër, nuk jetohet me fëmijë të vegjël në çadër gjithë kohës. Tani përsëri këtu në shtëpi, po rrezikojmë. Këlliçi: Në shtëpinë e prishur? Qytetari: Po, në shtëpinë e prishur. Po rrezikoj dita-ditës. Këlliçi: Si ta kanë vlerësuar shtëpinë? A ka ardhur dikush nga shteti me u interesu? Qytetari: Ka ardhur dhe më kanë thënë… kur kanë ardhur për herë të parë inxhinierët më kanë thënë që mos hyni brenda, se kjo rrezikon që të shembet. Këlliçi: Edhe si të klasifikuan? Qytetari: Pastaj kur ka dalë akt konstatimi ma kanë nxjerr DS2 të mesëm, nuk ma kanë vlerësuar siç duhet.