Rubrika: Edi Manushi & Irini Meçe Në episodin e fundit të këtij sezoni, “Të Guximshmit” nisen drejt një prej cepave më të largët dhe më të pazbuluar të Alpeve Shqiptare: Lekbibaj.Djepi i Eposit të Kreshnikëve, një fshat i fshehur mes maleve që pak vetë e njohin, por askush nuk e harron, sapo e shkel qoftë edhe një herë. Në këtë aventurë bashkohen Danja Koka, Denisa Demaj dhe Edona Osmanaj, për një udhëtim plot eksplorim, natyrë, sfida dhe emocione. Udhëtimi kulmon me dy performanca të jashtëzakonshme nga Linda Rukaj dhe Arben Bajraktari, që sjellin shpirtin e trevës përmes muzikës. Një mbyllje sezonale që nuk duhet ta humbisni! Programi “E Diell” vjen çdo të dielë në ekranin e Top Channel duke bërë bashkë të vegjël e të mëdhenj, kjo për shkak të karakterit argëtues, informues e edukativ që ka. Një program me rubrika të dedikuara për të gjitha moshat e për të gjithë shqiptarët brenda e jashtë vendit, nga fëmijët 7 vjeç deri në zonjat e zotërinjtë që kanë nostalgji për kohën që kemi lënë pas, apo duan të dinë diçka më tepër mbi aktualitetin.