Zyrtarisht COVID nuk është më një pandemi, edhe pse tashmë qarkullon ashtu si virozat e tjera stinore. Piku i virozëve janë muajt janar-shkurt, dhe ditët e fundit situata e rënduar gripale ka përfshirë gjithë vendin. Ajo çfarë shihet ndryshe këtë herë janë simptomat dhe kohëzgjatja e sëmundjes, si dhe shpeshtësia që çon në komplikacione. Sa e vështirë është të dallohen gripi nga ftohja. Cilat janë llojet e gripit që po qarkullojnë? A kemi të bëjmë me COVID sërish? Pesë vite nga pandemia koronavirusit ende diskutohet nëse ishte një virus i dalë aksidentalisht nga një laborator në Wuhan. E duket se këtë tezë e përforcon së fundmi dhe Agjencia Amerikane e Inteligjencës, CIA. Vlerësimi i ri nuk ka gjasa t’i jap fund debatit. Në fakt, zyrtarët e inteligjencës thonë se mund të mos zgjidhet kurrë, për shkak të mungesës së bashkëpunimit nga autoritetet kineze. A ishte apo jo përhapje aksidentale e virusit? A jemi të përgatitur për pandemi të tjera, në një kohë kur SHBA foli për dalje nga Organizata Botërore e Shëndetësisë, dhe shkurtim fondesh për organizata të tjera ndërkombëtare?