Ndërkohë që situata pandemike vazhdon të jetë shqetësuese, grupmosha më e rrezikuar mbeten të moshuarit. Teksa familja përpiqet të krijojë kushtet e duhura për këtë kategori, një situatë më e vështirë për tu menaxhuar ka qenë në “Shtëpitë e të moshuarve”. Falë ndërgjegjësimit të vetë të moshuarve, në azilin e Elbasanit nuk pati asnjë të prekur. Por përpos situatës së vështirë për të gjithë duket se këtu izolimi është kaluar më lehtë të shoqëri të njëri tjetrit. Por tashmë që lëvizjet i janë rikthyer normalitetit, të moshuarit e kësaj qendre nuk i neglizhojnë masat e sigurisë, pasi ata kanë frikë jo vetëm për vetë, por edhe për shokët. Qendra Balashe në Elbasan ka 15 të moshuar rezidentë, ndërsa u shërben edhe 180 personave të tjerë në vështirësi ekonomike me vakte ushqimi ditore. Për këtë kategori të dytë, shërbimi ka funksionuar si katering, për të evituar grumbullimet në qendër, dhe për të mos krijuar dalje të panevojshme nga shtëpia.