Ta bëjmë Amerikën të madhe përsëri. Ishte slogani dhe oferta që 78 vjeçari Donald Trump i bëri amerikanëve dhe ata e besuan dhe e votuan për të qenë pikërisht ai, Presidenti i 47 i Shteteve të Bashkuara. Kalimi i 270 votave elektorale dhe triumfi ne shtetin e lëkundur të Pensilvanisë, ishte çmimi më i madh nga të gjithë sëing states që e rikthen sërish drejtë Shtëpisë së Bardhë Donald Trump. Fitorja e Trump është lexuar si një triumf i ardhur mes sakrificash të forta që nga proceset e panumërta gjyqësore dhe deri tek plumbat dhe disa atentate të dështuara për t'i marrë jetën ndërsa brenda fushatës u detyrua të ndërrojë edhe gjuhën dhe qasjen për kundërshtarët, pas tërheqjes sër presidentit aktual Joe Biden dhe përfshirjes në garë të Kamala Harris. Shumica e amerikanëve në shtetet kyce të fushëbetejës që zgjodhën të votonin për të, përmenden më tepër si shqetësim kryesore ekonominë dhe emigracionin. Gjatë fushatës presidenciale të këtij viti, Trump foli me forcë për atë që ai e quan “pushtim nga emigrantët", duke e bërë sigurinë kufitare një çështje kyçe elektorale. Por teksa vetë amerikanët i kanë sytë tek ekonomia dhe fuqizimi i amerikës, Trump është zotuar që mandati i tij i dytë në krye të shtëpisë së bardhë të jetë i ndryshëm. Ai u zotua gjatë fushatës se do të përdorte një term të ri të Shtëpisë së Bardhë për të miratuar "hakmarrje" dhe ka folur hapur për përdorimin e institucioneve qeverisëse të Amerikës, madje edhe ushtrisë, për të ndëshkuar armiqtë e tij. Ai është zotuar të nisë një deportim masiv të emigrantëve pa dokumente, madje edhe disa të ligjshëm, që mund të shkaktojë një përballje me gjykatat. Por çfarë do të sjellë presidenca e Donald Trump? A do të bëhet nën drejtëimin e tij amerika e madhe sërish?