Në një rajon ku tregu i punës vazhdon të dominohet kryesisht nga burrat, Shqipëria dhe Serbia po shfaqin një realitet ndryshe. Të dhënat tregojnë se rreth një e treta e punonjësve në këto dy vende raportojnë se kanë një grua si eprore, një nivel ky shumë pranë mesatares së Bashkimit Europian. Ky zhvillim po shihet si një sinjal i transformimit gradual të kulturës së punës dhe rritjes së rolit të grave në vendimmarrje.